"Kung Nakapagsasalita si St. Gabriel" ni Mr. Yoso

"Kung Nakapagsasalita si St. Gabriel"

Kung nakapagsasalita si Gabriel, ano kaya ang masasabi niya?

Matutuwa kaya siya o malulugmok sa kanyang nakikita?

Mula sa mga taong mababait hanggang sa masasama

Tunay ngang kahanga-hanga ang pagkakaiba ng katauhan

Kahit gaano pa kasama ang mundo ngayon,

Tingin ko ang sasabihin ng anghel na iyon

“Ako ay masaya.”

Pero bakit kaya ganoon ang masasabi niya

Kahit puno na ang mundo ng kasamaan?

Sasabihin niya iyon hindi dahil gusto niya maging masama ang mundo

Ngunit dahil masaya siyang maraming pang nangangailangan ng kaligtasan

Dahil kung tingin ng tao ay perpekto sila

Hindi na nila kinakailangan pa ang Diyos

Siya ay masaya dahil sinunod niya ang utos ng Diyos

Na ipaalam kay Birheng Maria ang kanyang pagbubuntis

Dahil sa pagbubuntis na iyon, tayo ay nabigyan ng Tagapagligtas

Na dapat ay parusa at impyerno ang ating nirarapat

Ngunit ang buhay ng Diyos ay kanyang nilapat

Na kahit siya ay masaktan

Buhay mo lamang ay mapagaan

Ito ang tuwang nararamdaman ni Gabriel

Na magpapasabi sa kanya

“Ako ay masaya.”