Ang Sagot ni Montes

PIPILIIN MO BANG MAKITA ANG IYONG KINABUKASAN?

 Kung mabibigyan ako ng pagkakataon para makita ang aking kinabukasan, ito’y tatanggihan ko. Siguro masayang malaman kung ano mangyayari sa buhay ko, kung gaano ito kahaba, kung sino sa aking mga kaibigan ay mananatili sa tabi ko, kung ano mangyayari sa mga magulang at kamag-anak ko, kung sino ang makakatuluyan ko at kung magiging masaya ba ko. Ngunit, ano na ang magiging silbi ng buhay kung alam ko na ang nilalaman nito?

Hindi ko gugustuhin na malaman kung magiging matagumpay ako o hindi. Mas gugustuhin ko na mag-aral at trabajo ng mabuti para mas madama ko ang saya ng magiging kalabasan ng pagsisikap ko sa buhay.

Lahat ng nangyayari sa buhay, bawa’t okasyon, laban, emosyon na pinagdaanan at bawa’t tao na nakilala, ito’y naging aral at inspirasyoon para saakin. Ang mga sakit at pagdurusa na naranasan ko ay naging aralin upang tumapang at lumago. Ang mga hindi malilimutan na masasayang alala, nagdudulot ng kagalakan. Lahat ng ito ang dahilan sa pagkatao ko ngayon. Kung makita ko man ang kinabukasan ko, hindi ko na mararanasang yumabong bilang indibidwal.